Mitt namn er Solveig Tuft, og har frå hausten 2022 jobba som privatpraktiserende logoped i Bjørnafjorden, med kontor på Os. Eg har praksis frå arbeid med både barn og vaksne, og lang erfaring som barnehagelærar og adjunkt frå Gol kommune, tidlegare Fusa kommune og Strandvik montessoriskule.
Våren 2022 fullførte eg masterstudiet i logopedi ved Universitetet i Bergen. I masteroppgåva, som eg skreiv saman med ein medstudent, gjennomførte me ein kvalitativ studie: «Hvordan engelskundervisingen på 1. trinn blir lagt til rette for elever med svake språkferdigheter». Denne vart publisert i «Utdanning» og i bladet «Spesialpedagogikk».
Som medlem av Norsk Logopedforbund, følgjer eg dei yrkesetiske retningslinjene som gjeld for medlemmene der.
SERTIFISERING OG KURS:
LSVT LOUD: LSVT LOUD (Lee Silverman Voice Treatment) er ein intensiv, forskningsbasert stemmetreningsmetode som er spesielt utvikla for personar med Parkinson sjukdom. Ein må vere sertifisert for å bruke denne metoden.
Logos/Logometrica: Eit komplett testbatteri for å kartlegge leseferdigheit, diagnostisere dysleksi og utarbeide pedagogiske tiltak for den enkelte. Ein må vere sertifisert for å gjennomføre Logos.
«Oral Placement Theory / TalkTools» nivå 1 og 2: TalkTools er verktøy til bruk i metoden «Oral Placement Therapy» som blir brukt for å hjelpe barn med munnmotoriske vanskar.
